‹‹መለስ መሞቱን ስሰማ በጣም ደስ ብሎኛል››ተመስገን ደሳለኝ

‹‹መለስ መሞቱን ስሰማ በጣም ደስ ብሎኛል››ተመስገን ደሳለኝ

ባለፈው ዓመት አንድ በጣም ታዋቂ ወጣት ጋዜጠኛ የአዲስ አበባ ዩኒቨርሲቲ አቡነ ጴጥሮስ ግቢ የክብር እንግዳ ሁኖ እንደሚመጣ የሚገልፅ ማስታወቅያ አንበብኩኝ። የክብር እንግዳው በቀጠሮው ቀን ከች አለና ቃለ መጠይቁ ተጀመረ።የጋዜጠኝነትና ኮምኒኬሽን ተማሪው ይጠይቃል ተመስገን ደሳለኝ ትክክለኛውን ሳይሆን እንደመጣለት ይመልሳል።የጋዜጠኝነትና ኮምኒኬሽን ተማሪዎች ድጋፋቸውን ሞቅ ባለ ጭብጨባ እየገለፁለት ቃለ መጠይቁ ቀጠለ።

ተማሪው ‹‹የቀድሞው ጠቅላይ ሚኒስተር መለስ ዜናዊ ሞት ስትሰማ ምን ተሰማህ?››

ተመስገን‹‹ምንም››

ተማሪው‹‹ምነው፤ፋራህ እንዴ?››

ተመስገን‹‹እኔ ምንም የሚያስፈራኝ ነገር የለም፤እንደውም እውነቱን ልንገርህ፤መለስ መሞቱን ስሰማ በጣም ደስ ብሎኛል››

ዛሬ የቀድሞው ክቡር ጠቅላይ ሚኒስተር መለስ ዜናዊ በሞት ከተለዩን ድፍን ዓመት ሞላን።በጣም የሚወዱትና የሚያከብሩት መሪያቸው በሞት ያጡ ኢትዮጵያውያን ዓመት ሁኖቸዋል።መለስ ፖለቲከኛ ብቻ አልነበረም፤የሃገር መሪ ብቻ አልነበረም፤በኢህአዴግነቱ ወይም በህወሓትነቱ ብቻ መፍረጅ አልነበረበትም።የሶስት ልጆች አባት፣ብዙ የስጋ እህቶችና ወንድሞች ያሉት፣ሰው በመሆኑ ብቻ ሞቱን ያሳዘናቸው ብዙ ወገኖች አሉ።እነዚህ ወገኖች ለተመስገንም ወገኖቹ ናቸው።ተመስገን ወገኖቹ አዝነው ሲያለቅሱ አይቶ ተደስተዋል፤እነሱ ሲያለቅሱ እሱ ይስቅ ነበር፤ ደነሰዋል፤ጭፍረዋል ።ይህ ነበር በጣም ታዋቂ ወጣት ጋዜጠኛ ያሰኘው።

እነ ተመስገ ከተደሰቱ ዓመት ሁኖቸዋል።ወገኖች ሲያለቅሱ በአውጫጭኝ ተገድደው እንዳለቀሱ አድርገው ነው የሚፅፍፉት፤የሚናገሩት።

ተመስገን ደሳለኝ በጭፍን ጥላቻ የተመረዘ ፍፁም ጨለምተኛ ነው፡፡ጨለምተኝነቱ ተቋምና ግለሰብ፣ግለሰብና የግለሰቡ አሰተሳሰብ ለይቶ እንዳያውቅ ጋርዶታል፡፡ተመስገን ማንም የኢህአዴግ አባልን በጠላትነት ይፈርጃል፡፡ማንም ሰው ከተመስገን ጋር በሃሳብ አልተግባባም ማለት ጠላቱ ሆኗል ማለት ነው፡፡ለዛም ነው ‹‹በመለስ ሞት በጣም ተደሲቻለሁ›› ያለው፤መለስ ጠላቱ ነውና በሞመቱ ተደሰቷል፡፡ ጨለምተኞች ከተደሰቱ ዓመት አልፏል፡፡ግን እነዚህ ጨለምተኞች መለስን (እንደ ግለሰብ) ለምን ይህን ያህል በጥርሳቸው ውስጥ አስገቡት?

 

ምክንያቱም መለስ ጥርት ያለ ራኢ ያለው መሪ ስለነበረ ነው፤የመለስ ራኢዮች የቀን ቅዠቶች አይደሉም፡፡መለስ እንደ ጨለምተኞቹ ሲተኛ የሚቃዥ አልነበረም፤እንደ ጨለምተኞቹ ጉንጮቹን በጫት ወጥቆ አልነበረም የሚቃዠው፡፡መለስ ሙሉ ትኩረቱን ሰብስቦ ነበር የሚያልመው፡፡የቲ.ኢ ላውረንስ የሚከተለው አባባል መለስን በይበልጥ ይገልፀዋል፡፡

 ‹‹ሁሉንም ሰዎች ያልማሉ፤ነገር ግን እኩል አያልሙም፡፡ አቧራ በረጋበት አእምሯቸውን ሌሊት የሚያልሙ ሰዎች ከእንቅልፋቸው ሲነቁ ቅዠት ሁኖ ያገኙታል፤ቀን የሚያልሙ ሰዎች ግን እጅግ በጣም አደገኞች ናቸው፤ምክንያቱም ህልማቸውን እውን ለማድረግ በትኩረት እርምጃ ሊወስዱ ስለሚችሉ ነው፡፡››

የጨለምተኞች ስራ የበለራኢዮች ሃሳብና ስራ መተቸት፣በጭፍን መቃወምና ማብጠልጠል ነው፡፡የተቃውሞቸውና የትችታቸው መንስኤ ግን በመረጃና በአመክንዮ የተደገፈ ሳይሆን እንዲሁ ከጭፍን ጥላቻ የተነሳ ነው፡፡የጨለምተኞችና አጉል ተጠራጣሪዎች አስተሳሰብ ‹‹You can win…ማሸነፍ ይቻላል›› በሚባለው የሼቭ ኬራ መፅሐፍ በገፅ 13 ላይ በግርድፉ እንደሚከተለው ሰፍሮ ይገኛል፡፡

ሮበርት ፉልተን የተባለ አሜሪካዊ ኢንጂኔር በእንፋሎት የምትሰራ ጀልባ ሰርቶ አዲስ ግኝቱን ለተመልካቾች ለማሳየት ሃድሰን ወደ ሚባል ወንዘ ያመራል፡፡ከተመልካቾቹ መሃል ጨለምተኞችና አጉል ተጠራጣሪዎችም አብረው ነበሩና ‹‹ጀልባዋ በፍፁም አትነሳም፤ አትንቀሳቀስምም›› ሲሉ አስተያየታቸውን ሰጡ፡፡ፉልተን ግን ጀልባዋን አስነሳት፡፡የፉልተን ጀልባ ወንዙን እየቀደደች ሰትቀዝፍ የተመለከቱ ጨለምተኞች ‹‹በፍፁም አትነሳም›› ሲሉ እንዳልነበር በ180 ድግሪ ይታጠፉና ‹‹በቃ! ከንግዲህ ወደያ ጀልባዋ መቆም አትችም!›› እያሉ ጨሁ፡፡ይሁን እንጂ ፉልተን በአጉል ተጠራጣሪዎቹ አስተያየት አልተበገረም፤ከተመልካቾቹ እይታ በጣም ሳይረቅ የፈጣሪነት ክህሎቱን ያስመሰከረባት ጀልባውን እየነዳ ቅድም ወደ ነበረችበት ቦታ መለሶ አስቆማት፡፡

መለስን እንደ ፖለቲከኛ ሳይሆን እንደ ግለሰብ በጭፍን እየተቃወሙ ያሉ ጨለምተኞች እንዲህ ናቸው፡፡የኢትዮጵያ ህዳሴን በጭፍን ተቃውመዋል፤የህዳሴ ግድብ እቅድን በጥብቅ ተቃውመዋል…እንደውም እነ ጉምበት ሰባት እማ ሃገራቸውን ለሽያጭ በማቅረብ ከግብፅ አክራሪዎች እስከ መከራከርም ደረሷል፡፡ዓለም አቀፍ መጋናኛ ብዙሐን ‹‹ኢትዮጵያ እያደገች ነው›› ብለው ሲዘግቡ የኛው ጨለምተኞች ‹‹ኢትዮጵያ እየደኸየች ነው፤አንደነቷ አደጋ ላይ ወድቋል…›› እያሉ ነው የሚደሰኩሩብን፡፡ምክንያቱም ለእነሱ የሚታያቸው ጥፋት እንጂ ልማት አይደለምና ነው፡፡ኢህአዴግና ደጋፊዎቹ ለመቁጠር የሚያታክቱ ግልፅ ችግሮች አሏቸው፤የተቃዋሚዎች ትኩረት ግን በነዚህ እንከኖች ላይ ሳይሆን በግለሰቦች ላይ ያነጣጠሩ ናቸው፡፡ይህ ግን ለሃገር ከሚያበረክተው ጥቅም ይልቅ ጉዳቱ ያመዝናል፤መክንያታዊነትና የመቻቻል ባህልን ስለሚያቀጭጭ፡፡